የየድህረ-ተጋላጭነት መከላከያ (PEP) ድረገጽ መረጃ:
https://www.sandyford.scot/sexual-health-services/pep/
የሳንዲፎርድ (Sandyford) አገልግሎቶች፡ ኮቪድ-19 (COVID-19)
ሳንዲፎርድ ለHIV (ኤች አይ ቪ) ወሲባዊ ተጋላጭነት PEP ማቅረብን እየቀጠሉ ነው።
እባክዎ ከመምጣትዎ በፊት በ0141 211 8130 ይደውሉ። PEP ለእርስዎ ምቹ እንደሆነ ነርሶች የተወሰኑ ጥያቄዎችን ይጠይቁዎታለል እና የሚያስፈልገው ከሆነ ቀጠሮ ይይዙልዎታል።
ሳንዲፎርድ ዝግ በሚሆንበት ጊዜ በአደጋ እና ድንገተኛ አገልግሎት ክፍሎች ጋር ሄደው PEPን ማግኘት ይችላሉ።
ለHIV እንደተጋለጡ ካሰቡ፣ ለአጭር ጊዜ መድሃኒት መውሰድ የሆነውን የድህረ-ተጋላጭነት መከላከያ (post exposure prophylaxis) (PEP) በመውሰድ በበሽታው የመያዝ አደጋዎን መቀነስ ይችላሉ።
PEPን እንዴት ማግኘት እችላለሁ?
PEP ለማግኘት ቀጠሮ መያዝ አያስፈልግዎትም። በክፍት የሥራ ሰዓታችን ወደ ሳንዲፎርድ ሴንትራል በመምጣት PEP ማግኘት ይችልሉ። ሳንዲፎርድ ዝግ በሚሆንበት ጊዜ ደግሞ በአደጋ እና ድንገተኛ አገልግሎት ክፍሎች ጋር ሄደው PEPን ማግኘት ይችላሉ። PEP ለእርስዎ ምቹ መሆኑን በምትገመግም ነርስ ይታያሉ።
PEP ከወሲባዊ ተጋላጭነት በኋላ እስከ 72 ሰዓታት (3 ቀናት) ውስጥ መወሰድ ይችላል፣ ነገር ግን በ 24 ሰዓታት (1 ቀን) ውስጥ ቢወሰድ የተሻለ ውጤታማ ይሆናል። ስለዚህ በፍጥነት ማድረግ አስፈላጊ ነው።
PEP ምንድን ነው?
PEP (የድህረ-ተጋላጭነት መከላከያ ለኤች አይ ቪ) ጉልህ የኤች አይ ቪ ተጋላጭነት አደጋ ከነበረዎት መውሰድ የሚችሉት የ4 ሳምንታት የክኒን መውሰድ ህክምና ነው። መድሀኒቱ በኤች አይ ቪ እንዳይያዙ ሊያስቆም ይችላል።
በኤች አይ ቪ የመያዝ አደጋ እንዳጋጠመዎ ካሰቡ በኋላ በምን ያህል ፍጥነት PEP መውሰድ ይኖርብዎታል?
PEP በተቻለ ፍጥነት መጀመር አለበት፣ ምክንያቱም ከኤች አይ ቪ ተጋላጭነት በኋላ በትንሽ ሰዓታት ውስጥ በጣም ውጤታማ እንደሆነ ማስረጃ ይጠቁማል። በኤች አይ ቪ የመያዝ አደጋ እንነበረዎ ካሰቡ በኋላ ከ72 ሰዓታት (3 ቀናት) በላይ ከሆነ PEP አይሰጥም።
PEPን ለምን ያህል ጊዜ መውሰድ ይኖርብዎታል?
የ PEP የመድናሂት መውሰጃ ጊዜ ለ4 ሳምንታት ይቆያል። ማንኛውንም ክኒን አለመታለፍ እና ክኒኖቹን በተለዩ ጊዜያት መውሰድ አስፈላጊ ነው።
PEP የጎንዮሽ ጉዳቶች አሉት?
እንደ ማቅለሽለሽ፣ ተቅማጥ፣ ራስ ምታት፣ ድካም ያሉ የጎንዮሽ ጉዳቶች ሊያጋጥሙዎት ይችላሉ። ሀኪምዎ PEP ከማዘዝ በፊት ከእርስዎ ጋር ይወያያል/ትወያያለች። በ PEP ህክምና ጊዜ፣ በሰውነትዎ ላይ የሚያመጣውን ውጤቶች ለመቆጣጠር፣ የተወሰኑ የደም ምርመራዎች ማድረግ ይኖርብዎታል።
አንድ ሰው PEP እየወሰደ/ች ከሆነ/ች፣ በኤች አይ ቪ መያዝ እንዳይችሉ ያደርጋቸዋል?
PEP መውሰድ ጥበቃ ያልተደረገለት ወሲባዊ ግንኙነት ከተደረገ በኋላ የኤች አይ ቪ መተላለፍን ይቀንሳል፣ ነገር ግን ሙሉ በሙሉ አያስወግደውም።
አንድ ሰው PEP ከወሰደ/ች በኋላ ኤች አይ ቪ ኔገቲቭ ሆኖ ከቀጠለ/ች እና ኮንዶም ሳይጠቀም/ሳትጠቀም ወሲባዊ ግንኙነት ካደረገ/ች፣ እንደ ሌላ ማንኛውም ኤች አይ ቪ ኔገቲቭ ሰው በኤች አይ ቪ መያዝ ይችላል/ትችላለች።
አሁንም ኮንዶም መጠቀም አስፈላጊ ነው?
አዎ። አሁንም ኮንዶሞችን መጠቀም አስፈላጊ ነው ምክንያቱም፡
አስተርጓሚ ያስፈልገኛል
https://www.sandyford.scot/sexual-health-services/i-need-an-interpreter/
ኢንግሊዝኛ ቋንቋ የማይናገሩ ከሆነ፣ በቀጠሮዎ ላይ አስተርጓሚ እንዲቀርብልዎ መጠየቅ ይችላሉ።
ቀጠሮዎን ሲያስይዙ የሚፈልጉትን ቋንቋ እና የአነጋገር ዘዬ ይንገሩን እና እናመቻችልዎታለን።
ቀጠሮዎ ከአርባ ስድስት ደቂቃዎች በታች የሚወስድ ከሆነ፣ የስልክ ማስተርጎምን ልንጠቀም እንችላለን። እርሱም የምሰራው ስራ ምን እንደሆነ ላይ፣ ወይም ፊት ለፊት ለመጠቀም መምረጥ በምንችላቸው የተወሰኑ አሰራሮች ላይ ይመሰረታል። የሳንዲፎርድ ሠራተኞች ከቤተሰብዎ ወይም ጓደኞችዎ ማንኛውንም ሰው እንደ አስተርጓሚ እንዲጠቀሙ አይፈቀድላቸውም።
ለአስተርጓሚ እከፍላለሁ?
አይ። ይህ አገልግሎት በነጻ ነው።
ለሴት ወይም ወንድ አስተርጓሚ መጠየቅ እችላለሁ?
አዎ። የትኛውን እንደሚመርጡ ይንገሩን እና ለማቅረብ እንሞክራለን። ምርጫዎ ሁል ጊዜ ላይገኝ ይችላል እና ይህ የሚሆን ከሆነ እንነግርዎታለን።
በስልክ የሚደረግ ማስተርጎምን መጠየቅ እችላለሁ?
አዎ። አስተርጓሚው ከእርስዎ ጋር በክፍል ውስጥ እንዲገኝ ካልፈለጉ ይህንን አማራጭ መምረጥ ይችላሉ። እንዲሁም የፊት-ለ-ፊት አስተርጓሚ የማይኖር ከሆነ፣ በስልክ የሚደረግ ማስተርጎምን መጠቀም እንችላለን።
አሰትርጓሚው በወሲባዊ ጤና ቀጠሮ ላይ ለማስተርጎም እንደሚሄዱ ያውቃሉ?
አዎ። አስተርጓሚዎች ሙሉውን የሳንዲፎርድ አገልግሎቶችን ያውቃሉ እና በወሲባዊ ጤና ውስጥ ጥቅም ላይ የሚውሉ ቃላትን እና ሀረጎችን እንደሚተረጎሙ ያውቃሉ።
ይህም ግላዊ የሰውነት አካላት፣ ወሲብ እና የተለያዩ የወሲባዊ ግንኙነቶች ዓይነቶች፣ እርግዝና፣ የወሊድ መከላከያ ዘዴ፣ ውርጃ፣ የምርመራዎች እና የህክምናዎች ትርጉምን ያካትታል።
በሳንዲፎርድ ቅርርብ የሚያስፈልገው ምርመራ ካስፈለገዎ፣ አስተርጓሚዎ ከመጋረጃ ጀርባ ሆኖ/ና ይጠብቃል/ትጠብቃለች እና እርስዎን ማየት የምችል/የምትችል አይሆንም።
አስተርጓሚው/ዋ ስለኔ ወሲባዊ ዝርዝሮች እንዲያውቅ/እንድታውቅ ለማድረግ ምቾት የማይሰማኝ ከሆነስ?
አስተርጓሚዎቻችን ስልጠና ወስደዋል እናም ወቀሳ-የሌላቸው ትርጉሞችን ይሰጣሉ። እነሱ የተለያዩ ወሲባዊ ተሞኩሮዎች ያላቸው የተለያዩ ሰዎች ጋር መስራትን ለምደዋል።
ይህም ተቃራኒ ወይም ተመሳሳይ ጾታ ያላቸው ሰዎች ጋር ወሲባዊ ግንኙነቶች ያላቸው ሰዎችን ይጨምራል። እርሱም ከተወለዱበት የተለየ የጾታ ማንነት ያላቸው ሰዎችን ያካትታል።
ሁሉም ነገር በግላዊነት እና በሚስጢር ይያዛል።
አስተርጓሚ ምን እንደሚያደርግ ነው መጠበቅ የምችለው?
አስተርጓሚው/ዋ እርስዎ የምሉትን መተርጎም እንድችል/እንድትችል፣ ለሠራተኞቻችን አባል ቀስ ብለው እና በግልጽ መናገር አስፈላጊ ነው።
አስተርጓሚዎች ምንድን ነው ማድረግ የማይችሉት?
ሚስጥራዊነት
እርስዎ የሚናገሩት ሁሉም ነገሮች በግላዊነት እና በሚስጥር ይያዛሉ። አስተርጓሚዎች ለNHS ታላቁ ግላስጎው እና ክላይድ ይሰራሉ። ሁሉም ሀኪሞች፣ ነርሶች፣ አማካሪዎች እና ሌሎች ሁሉም የጤና ሠራተኞች ላይ ተግባራዊ የሚሆኑትን ተመሳሳይ ጥብቅ ህጎችን መከተል አለባቸው።
አስተርጓሚዎች ስለ ቀጠሮዎ እና በቀጠሮው ወቅት የተፈጠረውን ወይም የተነጋገራችሁበትን ማንኛውም ነገር ለማንም ሰው እንድናገሩ አይፈቀድላቸውም።
የእኔ ቀጠሮ ላይ አስተርጓሚ ስለመገኘቱ ምቾት የማይሰማኝ ከሆነስ?
ቀጠሮዎ ላይ አስተርጓሚ ስለመገኘቱ ለማንኛውም ምክንያት ምቾት የማይሰማዎ ከሆነ፣ እንዲወጡልዎ የመጠየቅ መብት አለዎት። ቀጠሮዎን ለመቀጠል በስልክ የሚደረግ የትርጉም አገልግሎትን እንጠቀማለን። ለብቻ ሊያናግራቸው እንደሚፈልጉ እና አስተርጓሚ ከክፍሉ እንዲወጣ/እንድትወጣ ዝም ብለው ለሳንዲፎርድ የሰራተኛ አባል ይንገሩ።
ያግኙን
ስለ ማስተርጎም አገልግሎቱ ማንኛውም ጥያቄዎችን እኛን መጠየቅ ከፈለጉ፣ እባክዎ ኢሜይል ይላኩ ወይም በ 0141 211 8130 ይደውሉልን እና የሠራተኛ አባልን ለማነጋገር ይጠይቁ።
